СЕЗГӘ ӘЙТЕР СҮЗЕМ БАР...

• 

  ҮЗЕМ ТУРЫНДА СҮЗЕМ

  Мин, Гаянова Кәүсәрия Гаяз кызы, Лаеш районы Имәнкискә урта мәктәбендә педагог-китапханәче булып эшлим. Гомуми эш стажым-46 ел, китапханәче стажым-7 ел. Югары квалификацион категориягә ия. Китапханәче булып эшләү теләге балачак хыялым булганлыктан, мин үз эшемне бик яратып башкарам. Девизым булып, Джеки Чанның: "Әгәр син эшеңдә ниндидер югарылыкларга ирешергә теләсәң, бары тик ул эшкә гашыйк булырга гына кирәк",-дигән сүзләре тора. Алган бүләкләрем белән горурланам, алар минем хезмәтемә бирелгән бәя дип кабул итәм. РСФСРның мәгариф отличнигы, Татарстан Республикасының Атказанган мәктәп укытучысы, Казанның 1000 еллыгы уңаеннан медале, Республиканың Ризаэддин Фәхреддин исемендәге премия иясе.

• 

  КИТАПХАНӘЧЕ ҺӨНӘРЕ

  Китапханәче һөнәре - җир йөзендәге иң изге һөнәрләрнең берсе дияр идем мин. Беркемгә дә сер түгел, бүгенге көндә компьютер һәм телевидение балалар тормышында зур урын алып бара. Күпләр хәтта, балалар өчен телевидениене кулайрак та күрә, әмма китапның әһәмиятен берни белән дә алыштырып булмый. Экраннарда бирелгән әзер мәгълүмат баланы стандарт рәвештә фикер йөртергә өйрәтә, уйлау сәләтен киметә. Китап укыганда исә бала, киресенчә, тәэсирләнергә, борчылырга һәм шатланырга өйрәнә. Ә китапханәченең төп бурычы - укучыларны китапханәгә чакырып та, мәҗбүриләп тә түгел, ә укучы үзе кызыксынып килерлек итеп, төрле чаралар уйлап үткәрә белү... Фикеремне тулысынча "Язмалар" бүлегеннән таба аласыз

• 

  БАЛА УКЫРГА ТИЕШЛЕ 10 КИТАП

  Җәйге ял вакытында әти-әниләр балаларга нәрсә эшләтергә дип баш ваткан хәлдә, Азатлык радиосы төрле яшьтәге балалар өчен укылырга тиешле дөнья һәм татар балалар әдәбияты классик әсәрләре исемлеген тәкъдим итә. Замана балалары буш вакытларын, нигездә, социаль челтәрләрдә, онлайн уеннарда, күпсанлы смартфон кушымталарында үткәрә. Араларында китап укучылар булса да, XXI гасыр балаларының күпчелеге игелекле, ачык күңелле, шәфкатьле, дустанә булырга чакырган дөнья классикасын белми диярлек. Моны истә тотып, Азатлык радиосы редакциясе "һәр бала укырга тиешле 10 китап" исемлеген төзеде. Аларның фикере белән тулысынча «Язмалар» бүлегеннән таныша аласыз.

• 

  БАЛАГЫЗ КИТАП УКЫЙМЫ?

  Шулай кайчак, әти –әниләр, коллегалар белән гапләшкәндә : ”Хәзер балалар китап укый белми, һаман шул телефон, компьютерда гына утыралар”,- дигән сүзләрне күп ишетергә туры килә. Бәхәскә керәсем килми, бу чынлап та шулай. Хәзерге заман баласын алдавычлар әледән-әле барлыкка килеп кенә тора. Алар мавыктыргыч, алар кызык , зур көч куймыйча гына ниндидер яңалыклар белеп була, уеннар уйнап, яшьтәшләрең белән аралашып була. Хәзер инде бала туып, үрмәли башлауга, телевизор пульты, телефон аның өчен иң кызыклы уенчыкларны да алыштыра ала... Фикеремне тулысынча «Язмалар» бүлегеннән укый аласыз.